Դեսպան. Զանգեզուրի միջանցքի բացումից հետո, Թուրքիայի և Ադրբեջանի միջև հեռավորությունը կկազմի 38 կմ

«Զանգեզուրի միջանցքի նախագիծը նույնպես կարևոր է, որպեսզի Հայաստանն իրեն անվտանգ զգա։ Միջանցքի բացումից հետո, Թուրքիայի և Ադրբեջանի միջև հեռավորությունը կկազմի 38 կիլոմետր»։

Այս մասին TRT Haber-ին տված հարցազրույցում ասել է՝ Թուրքիայում Ադրբեջանի դեսպան Ռաշադ Մամեդովը, հայտնում է Caliber.Az-ը։

Նա նշել է, որ դա կարևոր է Ասիայի հետ Թուրքիայի առևտրային հարաբերությունների համար: «Զանգեզուրի միջանցքը Թուրքիայի տարածքով կապ կապահովի Արևելքի և Արևմուտքի միջև»։

Դեսպանի խոսքով, Զանգեզուրի միջանցքը կարևոր է Հայաստանի զարգացման և ապագայի համար. «Վերջին 30 տարիների ընթացքում Հայաստանը զրկված է եղել բազմաթիվ նախագծերից։ Այդ նախագծերն անցել են Վրաստանով, ոչ թե Հայաստանով, հասել են Թուրքիա, Սև ու Միջերկրական ծովեր։ Եթե Հայաստանը զերծ մնա այս նախագծից, ապա այլ նախագծեր նրա համար այլևս չեն մնա»։