Դեսպան. Իլհամ Ալիևը և Մեհրիբան Ալիևան մեծ աջակցություն են ցուցաբերել Թուրքիային երկրաշարժից հետո

Ադրբեջանի նախագահ Իլհամ Ալիևը և առաջին տիկին Մեհրիբան Ալիևան՝ փետրվարի 6-ին տեղի ունեցած երկրաշարժից հետո մեծ աջակցություն են ցուցաբերել Թուրքիային։

Այս մասին ադրբեջանական ագրոբիզնեսի ֆորումում ասել է՝ Ադրբեջանում Թուրքիայի դեսպան Ջահիթ Բաղչին։

«Ամբողջ ադրբեջանական ժողովուրդը մեծ աջակցություն ցուցաբերեց Թուրքիային և միասնություն դրսևորեց։ Ես երախտագիտություն եմ հայտնում այս աջակցության համար»,- ասել է Ջ.Բաղչին:

Դեսպանը նշել է, որ 2021 թվականի հունիսին Ադրբեջանի և Թուրքիայի միջև ստորագրված «Ղարաբաղի գյուղատնտեսության և անտառտնտեսության ծրագիրը» պատրաստվել է Թուրքիայի մասնակցությամբ. «Այս ծրագիրը ներառում է բազմաթիվ դասընթացների անցկացում և նախագծերի իրականացում՝ գյուղատնտեսության, անտառային տնտեսության, ջրային տնտեսության և այլ ոլորտներին աջակցելու համար ոչ միայն Ղարաբաղում, այլև ողջ Ադրբեջանում:

Վերջին մեկ տարվա ընթացքում կազմակերպվել է ավելի քան 40 փոխայցելություն։ Հուսով եմ, որ Ղարաբաղի և ողջ Ադրբեջանի ռեսուրսները լավագույնս կօգտագործվեն և կուժեղացնեն Ադրբեջանի տնտեսությունը»։