Դեսպան. Լիտվայի ընկերությունները քննարկում են Ղարաբաղում վերակառուցման նախագծերին մասնակցությունը

Լիտվական ընկերություններն արդեն քննարկումներ են անցկացնում Ղարաբաղի վերակառուցման նախագծերին մասնակցելու վերաբերյալ։

Այս մասին Сaliber.Az-ին ասել է Ադրբեջանում Լիտվայի դեսպան Էգիդիուս Նավիկասը։

«Լիտվական ավելի շատ ընկերություններ կարող են շահագրգռված լինել վերականգնողական աշխատանքներին մասնակցելու մեջ, հատկապես հաշվի առնելով այն փաստը, որ Ադրբեջանը նախատեսում է այս շրջաններում ստեղծել կանաչ գոտի և կառուցել «խելացի» գյուղեր և «խելացի» քաղաքներ, իսկ ԵՄ երկրները, այդ թվում՝ Լիտվան, ունեն բավականին լավ փորձ այս ոլորտում»,- ասել է Նավիկասը:

Դեսպանը նշել է, որ Լիտվան կարող է աջակցել Ադրբեջանին նաև ճարտարապետական հուշարձանների վերականգնման հարցում։

«Մյուս ուղղությունը, որում մենք կարող ենք օգնել, դա մշակութային ժառանգության վերականգնումն է Ղարաբաղում և հարակից շրջաններում։ Այս ոլորտի լիտվացի մասնագետներն արդեն կապի մեջ են ադրբեջանցի գործընկերների հետ»,- հավելել է դեսպանը։