Դեսպան. Մենք նշում ենք Իսրայելում դեսպանատուն բացելու Ադրբեջանի որոշումը

Ադրբեջանում Իսրայելի դեսպան Ջորջ Դիկը հայտարարել է, որ իրենք ադրբեջանական ավանդական ուտեստով կնշեն՝ Թել Ավիվում դեսպանատուն բացելու Բաքվի որոշումը։

Ինչպես հայտնում է Caliber.Az-ը, այս մասին դիվանագետը գրել է Twitter-ում։

«Մենք որոշեցինք Իսրայելում դեսպանություն բացելու Ադրբեջանի որոշումը նշել ադրբեջանական ավանդական ճաշատեսակով, բայց չենք կարողանում ընտրել, թե որով»,- ասել է դեսպանը։

Ջ.Դիկը բերել է Ադրբեջանի մի քանի ազգային ուտեստներ և Twitter-ի իր էջի ընթերցողներից խորհուրդ խնդրել, թե որն ընտրել։

«Դուշբարա և տոլմա, շահ-փլավ և լավանգի ձկան հետ, փիթի և խանգյալ, քյաբաբ»,- գրել է իսրայելցի դիվանագետը։

Հիշեցնենք, որ նոյեմբերի 18-ին Ադրբեջանի խորհրդարանը համաձայնություն է տվել՝ Իսրայելում, Ալբանիայում և Քենիայում Ադրբեջանի դեսպանատների բացմանը։

We decided to celebrate the decision to open an embassy of Azerbaijan in Israel with a traditional Azerbaijani dish, but we can't agree on which one 😋 So you will decide for us, which one should it be?

— George Deek (@GeorgeDeek) November 21, 2022