Թուրքիայից Ադրբեջան է ժամանել բժիշկների խումբը՝ պատերազմի վետերաններին հետազոտելու համար

Փետրվարի 24-ին Ադրբեջան է ժամանել Թուրքիայի խոշորագույն հիվանդանոցներից մեկի՝ VM Medical Park-ի բժիշկների խումբը։

Այս մասին Caliber.Az-ին հայտնել են՝ Ադրբեջանի նախագահին կից քաղաքացիներին ծառայությունների մատուցման և սոցիալական նորարարությունների պետական գործակալությունը։

Նրանց թվում են նյարդավիրաբույժ, պլաստիկ վիրաբույժ և մանկական արյունաբան։

Բժիշկները հետազոտել են պատերազմի 20 վետերանների, ովքեր Թուրքիայում բուժումը հաջողությամբ ավարտելուց հետո վերադարձել են երկիր և նահատակների ընտանիքից մեկ երեխայի։ Թուրքիայում ադրբեջանցի վետերանների վիրահատություններն իրականացրել են նույն բժիշկները։