Թուրքիայում Փոլադ Հաշիմովի անվան այգի է բացվել ԼՈՒՍԱՆԿԱՐ

Թուրքիայի Քոջաելի քաղաքում տեղի է ունեցել Ադրբեջանի ազգային հերոս Փոլադ Հաշիմովի անունը կրող զբոսայգու բացումը։

Այս մասին Facebook-ի իր էջում գրել է Թուրքիայում Ադրբեջանի դեսպան Ռաշադ Մամեդովը, հայտնում է Caliber.Az-ը։

«Հասարակական-քաղաքական գործընթացների ուսումնասիրման միջազգային կենտրոնի, Իզմիթի քաղաքապետարանի և Հեյդար Ալիևի անվան մշակույթի տան համատեղ կազմակերպությամբ տեղի է ունեցել Ազգային հերոս, գեներալ-մայոր Փոլադ Հաշիմովի անվան զբոսայգու բացումը», - նշվում է հրապարակման մեջ։

Զբոսայգու բացմանը մասնակցել են նաև դեսպանատան ռազմական կցորդի ապարատի ներկայացուցիչներ։