ԹՈՒՐՔՍՈՅ-ի գլխավոր քարտուղար. Պատրաստվել է միջոցառումների ծրագիր, որն ընդգրկում է ամբողջ թուրքական աշխարհը

«Մենք պատրաստել ենք միջոցառումների ծրագիր, որն ընդգրկում է ոչ միայն թուրքալեզու պետությունները, այլև ամբողջ թուրքական աշխարհը։ Իմ ղեկավարության օրոք նախատեսում եմ լավագույնս իրականացնել ԹՈՒՐՔՍՈՅ-Ի մշակութային քաղաքականությունը»։

Այս մասին Caliber.Az-ին ասել է՝ Թուրքական մշակույթի միջազգային կազմակերպության (ԹՈՒՐՔՍՈՅ) գլխավոր քարտուղար Սուլթան Ռաևը։

Ս.Ռաևի խոսքով, քննարկումներ են ծավալվել՝ ամբողջ թուրքական աշխարհի և բոլոր թուրքական երկրներին ընդգրկող միջոցառումների տարեկան պլանի պատրաստման հետ կապված. «Փետրվարին Թուրքիայում թուրքական պետությունների դիվանագիտական ներկայացուցիչների և ԶԼՄ-ների ներկայացուցիչների մասնակցությամբ մենք կներկայացնենք մեր ծրագիրը, որը ներառում է շուրջ 200 միջոցառում»։