ԱՄՆ էներգետիկայի նախարարը՝ Ադրբեջանի հետ համագործակցության հեռանկարների մասին

Վաշինգտոնում ԱՄՆ-ի և Ադրբեջանի միջև ստորագրված երկկողմ համաձայնագիրը նոր հեռանկարներ է բացում ոչ միայն քաղաքական և ռազմավարական, այլև էներգետիկ համագործակցության համար։

Այս մասին հայտարարել է ԱՄՆ էներգետիկայի նախարար Քրիս Ռայթը, հաղորդում է Caliber.Az-ը:

«Ադրբեջանն ունի հարուստ էներգետիկ ռեսուրսներ, և ես կարծում եմ, որ հարավային սահմանում գտնվող միջանցքը, որը կարող է կապել Հայաստանն ու Ադրբեջանը, կարող է թույլ տալ երկրից ավելի շատ բնական գազ մատակարարել Եվրոպա։ Սա չափազանց կարևոր է։ Ադրբեջանի էներգետիկ ռեսուրսների զարգացումը և դրանք համաշխարհային շուկաներ, մասնավորապես՝ եվրոպական և արևմտյան շուկաներ հասցնելը՝ շրջանցելով Ռուսաստանը, լայն հնարավորություններ է ստեղծում մեր երկրների միջև ապագա համագործակցության համար», - ընդգծել է նախարարը։