Գազի արտահանումը Թուրքիա՝ Աբշերոնի հանքավայրից. Ասադովը՝ Բաքու-Անկարա բանակցությունների մասին

Բանակցություններ են ընթանում՝ 2029 թվականին Աբշերոնի հանքավայրից Թուրքիա գազի արտահանումը սկսելու համար։
 
APA-ի փոխանցմամբ, այս մասին հայտարարել է վարչապետ Ալի Ասադովը՝ Ադրբեջանի և Թուրքիայի միջև տնտեսական համագործակցության միջկառավարական համատեղ հանձնաժողովի 12-րդ նիստում։
 
Ալի Ասադովը նշել է, որ Ադրբեջանի և Թուրքիայի կողմից համատեղ իրականացվող խոշոր էներգետիկ նախագծերը մեծ տարածաշրջանային և համաշխարհային նշանակություն ունեն. «Բաքու-Թբիլիսի-Ջեյհան, Բաքու-Թբիլիսի-Էրզրում և TANAP/TAP նավթատարերի նման խոշոր նախագծերի իրականացումը ոչ միայն միավորել է մեր երկրները, այլև փոխել է Եվրասիայի էներգետիկ քարտեզը։ Այսօր Ադրբեջանից նավթն ու գազը, անցնելով Թուրքիայի տարածքի միջով, ապահովում են բազմաթիվ երկրների էներգետիկ անվտանգությունը։ Հաշվի առնելով ներկայիս աշխարհաքաղաքական իրավիճակը, էներգետիկ խողովակաշարերով տարանցման ծավալների ավելացումը հանդիսանում է օրակարգային հրատապ հարց»։