Բաքվի դատարանում քննարկվել են՝ հայերի կողմից «սպիտակ ֆոսֆորի» օգտագործման վերաբերյալ փաստաթղթերը

Բաքվի ռազմական դատարանում՝ ՀՀ քաղաքացիների դեմ հարուցված քրեական գործով այսօրվա դատավարությունը շարունակվել է փաստաթղթերի ընթերցմամբ։
 
AZERTAC-ի տվյալներով,՝ փաստաթղթերից մեկը վերաբերում էր 2016 թվականի ապրիլյան մարտերի ժամանակ՝ քաղաքացիական անձանց վիրավորելու, նրանց կյանքի դեմ մահափորձերի և գույքին վնաս հասցնելու հետ կապված միջադեպերին։
 
Փաստաթղթերից մեկի համաձայն՝ 2016 թվականի ապրիլի 2-ից 28-ը Հայաստանի զինված ուժերը, առանց որևէ ռազմական անհրաժեշտության, խոշոր տրամաչափի հրաձգային զենքերից, ականանետներից, նռնականետերից և հրետանային կայանքներից գնդակոծել են՝ Ադրբեջանի Աղդամի, Թերթերի, Գերանբոյի, Ֆիզուլիի և Աղջաբեդիի շրջաններում անպաշտպան բնակավայրերը, ինչպես նաև կրթական և բժշկական հաստատությունները և քաղաքացիական բնակչությանը։ Դատարանում ներկայացվել են դեպքի վայրից լուսանկարներ։
 
Այնուհետև ուսումնասիրվել են՝ Թերթերի շրջանի Էսքիփարա գյուղի վրա «սպիտակ ֆոսֆոր» պարունակող 122 մմ P-4 հրետանային արկի արձակման, Չինգիզ Սալման օղլու Գուրբանովի (հետմահու արժանացել է Ադրբեջանի Ազգային հերոսի կոչման - խմբ.) սպանության, Հուսեյն Զաքիր օղլու Ակբերլիի սպանության և Ադրբեջանի նախկին օկուպացված տարածքներում կատարված այլ հանցագործությունների վերաբերյալ փաստաթղթերը։
 
Նշենք, որ Հայաստանի քաղաքացիները մեղադրվում են՝ խաղաղության և մարդկության դեմ հանցագործությունների, ռազմական հանցագործությունների, այդ թվում՝ ագրեսիվ պատերազմի նախապատրաստման և վարման, ցեղասպանության, պատերազմի օրենքների և սովորույթների խախտման, ահաբեկչության, ահաբեկչության ֆինանսավորման, իշխանության բռնի զավթման և պահպանման, ինչպես նաև այլ հանցագործությունների մեջ։