Իլհամ Ալիև. Ամեն դեպքում, խաղաղ գործընթացն արդեն արագանում է

Հուսով եմ, որ մենք աստիճանաբար մոտենում ենք խաղաղությանը։ Ես բարձր եմ գնահատում Շառլ Միշելի աշխատանքը այս ոլորտում: Որովհետև, ինչպես գիտեք, Բրյուսելում մի քանի անգամ եռակողմ հանդիպումներ են տեղի ունեցել, և ամեն անգամ մենք ավելի ենք մոտենում խաղաղությանը:

Ինչպես տեղեկացնում է Caliber.Az-ը, Այս մասին Պրահայում ադրբեջանական հեռուստաալիքներին տված հարցազրույցում ասել է Ադրբեջանի նախագահ Իլհամ Ալիևը:

Նշելով, որ այս հանդիպումը կազմակերպվել է Շառլ Միշելի և Էմանուել Մակրոնի կողմից՝ երկրի ղեկավարը հայտարարել է.

«Հանդիպման ընթացքում քննարկվել են կարևոր հարցեր, և կարծում եմ, որ այս հանդիպումը նույնպես կարևոր կլինի խաղաղության համաձայնագրի ձեռքբերման համար։ Շփումները դեռ շարունակվում են։ Մենք պայմանավորվել ենք ընթրիքից հետո նորից հանդիպել։ Ամեն դեպքում, խաղաղ գործընթացն արդեն արագանում է»։