Իրանը զորավարժություններ է սկսել Ադրբեջանի հետ սահմանին

Երկուշաբթի առավոտյան Իրանի Իսլամական հեղափոխության պահապանների կորպուսի (ԻՀՊԿ) ցամաքային զորքերը զորավարժություններ են սկսել Արազ գետի շրջանում՝ Արևելյան Ադրբեջան և Արդաբիլ նահանգների հյուսիսում։

İRNA-ի հաղորդմամբ՝ զորավարժություններն անցկացվում են տարեկան ժամանակացույցի համաձայն ԻՀՊԿ ցամաքային զորքերի մարտունակությունը բարձրացնելու նպատակով։

Իսլամական հեղափոխության պահապանների կորպուսի ցամաքային զորքերի հրամանատար Մոհամմադ Փաքփուրն նշել է, որ զորավարժությունների շրջանակներում կիրականացվեն պարաշյուտա-դեսանտային, գիշերային հարձակողական գործողություններ, ուղղաթիռների մարտական գործողություն, անօդաչու թռչող սարքի գործողություն, ինչպես նաև Արազ գետի վրայով կամրջի կառուցում: