Իրանցի նախարար. Ադրբեջանի հետ Արազի միջանցքի մասին համաձայնագիր կստորագրվի

Հաջորդ ամիս Իրանի և Ադրբեջանի միջև համաձայնագիր կստորագրվի Արազի միջանցքի վերաբերյալ։

Այս մասին լրագրողներին ասել է՝ Իրանի ճանապարհների և քաղաքաշինության նախարար Մեհրդադ Բազրպաշը, հայտնում է Trend-ը։

Նրա խոսքով, այդ կապակցությամբ կանցկացվի համապատասխան միջոցառում, որին կմասնակցեն նաև Ռուսաստանի ներկայացուցիչները։

Իրանցի նախարարն ասել է, որ կապալառու ընկերության նշանակումով սկսվել է Արազի միջանցքի ստեղծման գործընթացը։ Այս գործընթացը ներառում է Արազ գետի վրայով կամրջի կառուցումը և մայրուղու ընդլայնումը։

Նշենք, որ Արազի միջանցքը, անցնելով Իրանի տարածքով, Ադրբեջանի Արևելյան Զանգեզուրի տնտեսական շրջանը կկապի՝ երկրի Նախչըվանի Ինքնավար Հանրապետության հետ։