Լավրինա. Ադրբեջանում է գտնվում ամենամեծ ռուսական համայնքը Հարավային Կովկասում

Ադրբեջանում ստեղծվել են բարենպաստ պայմաններ բազմաթիվ ազգությունների ու դավանանքների խաղաղ գոյակցության և զարգացման համար, կառավարությունն ակտիվորեն աջակցում է հանդուրժողականության և տարբեր կրոնական ավանդույթների նկատմամբ հարգանքի սկզբունքներին։

Այս մասին Caliber.Az-ին հայտնել է Ադրբեջանի ռուսական համայնքի նախագահի առաջին տեղակալ Անաստասիա Լավրինան։

«Ադրբեջանում ռուսները միշտ համարվել են բազմազգ հասարակության լիիրավ քաղաքացիներ։ Մեր իրավունքները միայն սահմանադրությամբ չեն պաշտպանված: Այն բարենպաստ պայմանները, որոնցում ապրում ենք, մեզ շատ են ուրախացնում։ Համախմբվածությունը ադրբեջանական հասարակության կարևորագույն բնութագրիչներից է։ 2020 թվականի սեպտեմբերին սկսված 44-օրյա Հայրենական պատերազմն էլ ավելի համախմբեց մեզ։ Բոլոր էթնիկ խմբերի ներկայացուցիչները, այդ թվում՝ ռուսները, կամավոր մեկնել են պաշտպանելու իրենց հայրենիքը», - ասել է նա:

Լավրինան ընդգծել է, որ երկրում բնակվող ռուսների մեծ թիվը խոսում է այն մասին, որ Ադրբեջանում նրանց համար լավ պայմաններ են ստեղծվել. «Ադրբեջանում է գտնվում ամենամեծ ռուսական համայնքը Հարավային Կովկասի տարածաշրջանում՝ մոտ 120 հազար մարդ»։