Հայ-ադրբեջանական հարաբերությունների կարգավորման ձգձգումը լուրջ ռիսկեր է պարունակում. Բայրամով

Ադրբեջանի և Հայաստանի միջև հարաբերությունների կարգավորման բանակցային գործընթացի արհեստական ձգձգումը վերջինիս կողմից, հանգեցնում է բացասական էֆեկտի և լուրջ ռիսկեր է պարունակում:

Ինչպես տեղեկացնում է Сaliber.Az-ը, այս մասին հայտարարել է Ադրբեջանի արտգործնախարար Ջեյհուն Բայրամովը՝ ՌԴ ԱԳ նախարար Սերգեյ Լավրովի հետ համատեղ մամուլի ասուլիսում։

Նա նշել է, որ Ադրբեջանի դիրքորոշումն այն է, որ հակամարտությունը մնացել է անցյալում, և կայուն խաղաղության համար համագործակցություն է անհրաժեշտ։ Բոլոր կողմերը լիարժեք և անվերապահ պետք է կատարեն եռակողմ համաձայնությունները։

«Ադրբեջանի համար առաջնայինը ազատագրված տարածքների վերականգնումն է։ Առաջիկայում մենք ականատես կլինենք ներքին տեղահանվածների ազատագրված տարածքներ վերադարձին»,- ասել է նախարարը։