Հաջիև. ՅՈՒՆԵՍԿՕ-ն չի կարող վերածվել գործիքի մեկ մարդու ձեռքում

Ադրբեջանի նախագահի օգնական Հիքմեթ Հաջիևը քննարկումներ է անցկացրել՝ ՅՈՒՆԵՍԿՕ-ի անդամ երկրների մշտական ներկայացուցիչների/դեսպանների հետ։

Այս մասին հայտնում է Caliber.Az-ը՝ հղում անելով սոցցանցում Հաջիևի հրատարակումներին:

«Բաքվում թեյի սեղանի շուրջ մենք ծավալուն և բաց քննարկումներ ենք անցկացրել ՅՈՒՆԵՍԿՕ-ի անդամ երկրների մշտական ներկայացուցիչների/դեսպանների հետ: Ես իմ գործընկերներին պատմել եմ Ադրբեջանի՝ տարածաշրջանային խաղաղության օրակարգի և մշակութային դիվանագիտության քաղաքականության, ինչպես նաև օկուպացիայի տարիներին Հայաստանի կողմից մեր մշակութային և կրոնական ժառանգության ոչնչացման մասին։ Մեր ընդհանուր կարծիքն այն էր, որ ՅՈՒՆԵՍԿՕ-ն պատկանում է բոլորիս և ողջ միջազգային հանրությանը։ Մենք պետք է շարունակենք պաշտպանել և զարգացնել այս կազմակերպությունը։ ՅՈՒՆԵՍԿՕ-ն չի կարող վերածվել գործիքի մեկ մարդու ձեռքում կամ իջեցնել որևէ երկրի «արտաքին գործերի նախարարության» բաժնի մակարդակի»,- գրել է Հ.Հաջիևը:

We had broad and open discussions with the Permanent Representatives/Ambassadors of the member countries at UNESCO around the tea table in Baku.

I briefed my colleagues about Azerbaijan's regional peace agenda and cultural diplomacy policy and the destruction of our… pic.twitter.com/xHXTxvV9KC

— Hikmet Hajiyev (@HikmetHajiyev) May 3, 2024