Հիքմեթ Հաջիև. Ադրբեջանը դեռևս հույս ունի Հայաստանի հետ խաղաղության պայմանագիր կնքել մինչև տարեվերջ

Ադրբեջանը դեռևս հույս ունի Հայաստանի հետ խաղաղության պայմանագիր կնքել մինչև տարեվերջ:

Այս մասին ՏԱՍՍ-ին տված հարցազրույցում ասել է Ադրբեջանի նախագահի օգնական, նախագահի աշխատակազմի արտաքին քաղաքականության բաժնի ղեկավար Հիքմեթ Հաջիևը։

«Մենք դեռ հույս ունենք, որ խաղաղ պայմանագիր կստորագրվի մինչև այս տարվա վերջ և կոչ ենք անում Հայաստանի քաղաքական ղեկավարությանը կատարել հիմնական քայլը՝ պաշտոնապես, խաղաղության պայմանագրի տակ իրենց ստորագրությամբ, ֆիքսել Ադրբեջանի տարածքային ամբողջականության ճանաչումը՝ ներառյալ մեր հանրապետության Ղարաբաղի տնտեսական շրջանը և պարտավորվել ապագայում ձեռնպահ մնալ մեր երկրի ներքին գործերին միջամտելուց»,- ասել է նա։

«Այդ թվում՝ մեր ներքին խնդիրները, ինչպիսիք են Ղարաբաղում մեր ազգությամբ հայ քաղաքացիների հետ մեր փոխգործակցության հարցերը, միջազգային հարթակներ տեղափոխելու փորձերի միջոցով՝ բնակչության այս խմբի իրավունքները և անվտանգությունն ապահովելու պատրվակով», - շարունակել է Հաջիևը։ «Նրանք մեր քաղաքացիներն են, և նրանց իրավունքներն ու անվտանգությունը երաշխավորվելու են Ադրբեջանի Սահմանադրությամբ», - ընդգծել է նախագահի օգնականը։