Հիքմեթ Հաջիևը պատասխանել է բրիտանացի իրավապաշտպանին և Forbes-ին

Ադրբեջանի նախագահի օգնական- Հիքմեթ Հաջիևը պատասխանել ՝է բրիտանացի իրավապաշտպան Էվելինա Օչաբի հոդվածին, որը հրապարակվել է Forbes ամսագրում։

Caliber.Az-ի փոխանցմամբ՝ Հ.Հաջիևը պատասխանը տեղադրել է Twitter-ի իր էջում։

«1. Forbes ամսագրի Ձեր հոդվածը խեղաթյուրում է իրականությունը, միակողմանի է և օգտագործվում է Հայաստանի քարոզչական/ապատեղեկատվական մեքենայի կողմից։ Որպես իրավապաշտպան՝ Դուք երբեք չեք անդրադարձել՝ Հայաստանի կողմից էթնիկ զտումների ենթարկված միլիոնավոր ադրբեջանցիների իրավունքներին ու հոգսերին։

2. Ադրբեջանը ենթարկվել է Հայաստանի կողմից 30-ամյա ավերիչ ռազմական օկուպացիայի։ Հայաստանի կողմից տեղադրված միլիոնավոր ականների արդյունքում ամեն օր ադրբեջանական խաղաղ բնակչությունը դառնում է ականային տեռորի զոհ։ Լաչինի ճանապարհը Հայաստանի կողմից ապօրինի օգտագործվել է ականներ և ռազմական տեխնիկա/կադրեր տեղափոխելու համար։

3. Բայց դուք լռեցիք այս ամենի մասին։ Ձեր հոդվածում չկա Ադրբեջանի առաջարկը՝ Լաչինի ճանապարհին զուգահեռ բացել Աղդամ-Խանքենդի ճանապարհը։ Հայաստանի կողմից հովանավորվող խամաճիկ անջատողական ռեժիմը պատանդ է պահում մեր Ղարաբաղի տարածաշրջանի հայ բնակիչներին։

4. Մարդու իրավունքների պաշտպանի վեհ կարգավիճակը պահանջում է չեզոքություն, քաղաքական շահարկումների բացակայություն, օբյեկտիվություն և արդարություն։ Ես ափսոսում եմ, որ ձեր հոդվածում այս հատկությունները չեմ տեսնում: Ցավում եմ նաև, որ Forbes-ը հարթակ է տրամադրում միակողմանի քարոզչության համար»,- գրել է Հ.Հաջիևը։