Միլլի Մեջլիսում կոչ են արել COP29-ի շրջանակներում բարձրացնել Հայաստանի կողմից գետերի աղտոտման հարցը

Միլլի Մեջլիսի պատգամավոր Ասիմ Մոլլազադեն կոչ է արել ՄԱԿ-ի շրջանակային կոնվենցիայի (COP29) Կողմերի համաժողովի 29-րդ նստաշրջանի ժամանակ, որն այս տարի կանցկացվի Ադրբեջանում, ուշադրություն հրավիրել Հայաստանում գետերի աղտոտման խնդրին։

Ինչպես հաղորդում է Caliber.Az-ը, այս մասին պատգամավորն ասել է Միլլի Մեջլիսի բնական պաշարների, էներգետիկայի և բնապահպանության հանձնաժողովի՝ այսօր կայացած նիստում։

Նրա խոսքով, Ադրբեջանում ջրային ռեսուրսների խնդիր կա. «Անապատներում ժամանակակից տեխնոլոգիաները հաջողությամբ կիրառվում են գյուղատնտեսության ոլորտում։ Ադրբեջանը պետք է դիտարկի դրան անցում կատարելու հնարավորությունը։ Պետք է մտածել, թե որ ուղղությամբ զարգանալ։ Մենք կորցնում ենք ջրային ռեսուրսները հնացած տեխնոլոգիաների կիրառման պատճառով։ Սրա վրա պետք է հրավիրենք համապատասխան միջազգային կազմակերպությունների ուշադրությունը»։