Մոլդովայի վարչապետը կայցելի Ադրբեջան

Մոլդովայի վարչապետ Նատալյա Գավրիլիցան հոկտեմբերին կայցելի Ադրբեջան։

Ինչպես հայտնում է Caliber.Az-ը, այս մասին նշվել է Մոլդովայի վարչապետի՝ այս երկրում Ադրբեջանի դեսպան Գուդսի Օսմանովի հետ այսօրվա հանդիպմանը։

Ինչպես նաև հոկտեմբերի 10-12-ը Բաքվում տեղի կունենա՝ մոլդովա-ադրբեջանական առևտրատնտեսական համագործակցության միջկառավարական հանձնաժողովի հերթական նիստը։ Նույն օրերին կկազմակերպվի Գործարարների երկկողմ ֆորում, որի ընթացքում կներկայացվեն երկու երկրներում ներդրումային հնարավորությունները։

«Չնայած բոլոր մարտահրավերներին, Մոլդովան շարունակում է մնալ սիրելի վայր օտարերկրյա ներդրողների համար: Վերջերս մեզ հաջողվել է ներդրումային ծրագրեր ներգրավել այնպիսի երկրներից, ինչպիսիք են Բելգիան, Նիդեռլանդները, Թուրքիան, ԱՄՆ-ը, Գերմանիան, Լիտվան, Մեծ Բրիտանիան: Մենք ցանկանում ենք ուժեղացնել ադրբեջանական բիզնես միավայրի հետ ներդրումային համագործակցությունը»,- հանդիպմանը հայտարարել է Ն.Գավրիլիցան։

Վարչապետը նաև հայտնել է Մոլդովայի շահագրգռվածությունը՝ էներգետիկ ոլորտում համագործակցության ամրապնդման հարցում՝ վերլուծելով Ադրբեջանից բնական գազի ներկրման հնարավորությունը։