Նշանակվել է Ադրբեջանում COP29-ի գլխավոր տնօրենը
Ադրբեջանի Հանրապետության էներգետիկայի փոխնախարար Էլնուր Սոլթանովը նշանակվել է՝ Ադրբեջանում COP29-ի գլխավոր տնօրեն, հայտնում է Report-ը։
Էլնուր Սոլթանովը 2004-2009 թվականներին դասավանդել է Տեխասի տեխնիկական համալսարանում, Սլիպերի ռոք համալսարանում և Տրումենի պետական համալսարանում: Նա նաև 2000-2003 թվականներին աշխատել է Թուրքիայի Եվրասիական ռազմավարական հետազոտությունների կենտրոնում որպես գիտաշխատող, իսկ 2003-2009 թվականներին ԱՄՆ-ի Տեխասի տեխնիկական համալսարանում (2009 թ.) պաշտպանել է դոկտորական ատենախոսություն՝ քաղաքական գիտությունների գծով:
2009-2018 թվականներին Է.Սոլթանովն աշխատել է ԱԴԱ համալսարանում՝ որպես ավագ դասախոս, Կասպյան էներգետիկայի և շրջակա միջավայրի կենտրոնի տնօրեն ու հասարակական և միջազգային հարաբերությունների ֆակուլտետի դեկան։
2018 թվականից զբաղեցնում է ԱՀ էներգետիկայի փոխնախարարի պաշտոնը, որը պատասխանատու է վերականգնվող էներգիայի և էներգաարդյունավետության հարցերով։
Elnur Soltanov has been appointed as Chief Executive Officer of #COP29 Azerbaijan.
— COP29 AZ (@COP29_AZ) January 29, 2024
📌 https://t.co/JhjRB8V02a pic.twitter.com/wDSQRRLo9A