Ուկրաինան Ադրբեջանից մարդասիրական օգնության 10 բեռ է ստացել էներգետիկ ոլորտի համար ԼՈՒՍԱՆԿԱՐ

Բաշխիչ ցանցերը վերականգնելու համար սպասվում է օգնության նոր խմբաքանակ մինչև 2023 թվականի վերջը։ Սա Ուկրաինայի համար մարդասիրական օգնության արդեն 11-րդ բեըռն է լինելու Ադրբեջանից։

Այս մասին հայտնում է Caliber.Az-ը՝ հղում անելով Ուկրաինայի էներգետիկայի նախարարությանը։

Ուկրաինան Ադրբեջանից ստացել է մարդասիրական օգնության 10 բեռ էներգետիկ ոլորտի համար, որը ներառում է 50 պահեստային էլեկտրակայան և 45 ուժային տրանսֆորմատոր։ Սպասվում է, որ բաշխիչ ցանցերի վերականգնման համար նոր սարքավորումների հաջորդ մեծ խմբաքանակը նույնպես կհասնի մինչև 2023 թվականի վերջը»,- ասվում է նախարարության հաղորդագրության մեջ։

Հաղորդվում է նաև, որ Ուկրաինայի էներգետիկայի նախարար Գերման Գալուշչենկոն և Ուկրաինայում Ադրբեջանի Հանրապետության արտակարգ և լիազոր դեսպան Սեյմուր Մարդալիևը քննարկել են՝ նավթագազային արդյունաբերության ոլորտում համագործակցությունը, մասնավորապես՝ պաշարների պահեստավորման և տարանցման հարցեր։