Չինաստանի հատուկ ներկայացուցիչ. Ադրբեջանը գտնվում է ռազմավարական կարևոր կետում

«Առաջին անգամ եմ մասնակցում այս համաժողովին, և ինձ շատ է դուր եկել Ադրբեջանի հյուրընկալությունը, հարուստ մշակույթն ու պատմությունը»:

Ինչպես հայտնում է Caliber.Az-ը, այս մասին ասել է Բաքվի 10-րդ գլոբալ ֆորումին մասնակցող՝ Չինաստանի կառավարության եվրոպական հարցերով հատուկ ներկայացուցիչ, ՄԱԿ-ի գլխավոր քարտուղարի նախկին պաշտոնակատար և Գերմանիայում Չինաստանի նախկին դեսպան Վու Հոնգբոն:

Նա հիշեցրել է, որ Չինաստանի՝ «Մեկ գոտի, մեկ ճանապարհ» նախագիծն իր շուրջը համախմբել է ավելի քան 10 երկրների։

Վու Հոնգբոն անդրադարձել է նաև Ադրբեջանի հետ ռազմավարական համագործակցությանը. «Մենք պատմական կապեր ունենք Ադրբեջանի հետ, լավ մակարդակով և երկկողմ հարաբերություններ, այս տարի նշում ենք դիվանագիտական հարաբերությունների հաստատման 31-ամյակը։ 30 տարի մենք լավ ու բարյացակամ ընկերներ ենք դարձել Ադրբեջանի հետ, զարգացած են համագործակցությունը, տնտեսական կապերը, Ադրբեջանի նախագահն այցելել է Չինաստան։ Անցյալ տարի կայացել է երկու երկրների ղեկավարների հանդիպումը, որի ժամանակ կողմերը փոխհամաձայնության են եկել հարաբերությունների զարգացման շուրջ։ Երկու երկրները նշել են համագործակցության ոլորտները, որոնք ներառում են ենթակառուցվածքները և այլն։ Ադրբեջանը գտնվում է ռազմավարական կարևոր կետում: Վերջին ամիսներին նկատվել է բեռնափոխադրումների ծավալների աճ։ Չինական ընկերությունները համատեղ ծրագրեր են իրականացնում, դրա համար հարուստ ներուժ կա»,- ասել է նա։