Պեսկովը՝ ԱՊՀ գագաթնաժողովում հնարավոր Ալիև-Փաշինյան հանդիպման մասին

«ԱՊՀ ոչ պաշտոնական գագաթնաժողովում Ադրբեջանի նախագահ Իլհամ Ալիևի և վարչապետ Նիկոլ Փաշինյանի միջև երկկողմ հանդիպման պլաններ չկան, բայց գագաթնաժողովի շրջանակներում բոլորը կարող են միմյանց հետ շփվել»։

Ինչպես հաղորդում է Caliber.Az-ը՝ վկայակոչելով ռուսաստանյան լրատվամիջոցներին, այս մասին լրագրողներին ասել է ՌԴ նախագահ Վլադիմիր Պուտինի մամուլի քարտուղար Դմիտրի Պեսկովը:

«Առանձին երկկողմ հանդիպման պլաններ չկան, բայց գագաթնաժողովի շրջանակներում բոլորը կարող են միմյանց հետ շփվել», - նշել է նա:

Նշենք, որ ԱՊՀ ոչ պաշտոնական 13-րդ գագաթնաժողովը տեղի կունենա դեկտեմբերի 26-ին Սանկտ Պետերբուրգում: