Պետդեպարտամենտ. ԱՄՆ-ը շարունակում է աջակցել Բաքվի և Երևանի միջև ուղիղ երկխոսությանը
Չնայած Կովկասյան բանակցությունների հարցերով ավագ խորհրդական Ֆիլիպ Ռիկերի ժամկետի ավարտին, Միացյալ Նահանգները կշարունակեն աջակցել Հարավային Կովկասում անվտանգությանն ու խաղաղությանը։
Այս մասին Caliber.Az-ին հայտնել են ԱՄՆ Պետդեպարտամենտից։
«Անցյալ տարվա օգոստոսին դեսպան Ֆիլիպ Ռիկերին Կովկասում բանակցային հարցերով ավագ խորհրդական նշանակելու պահից ենթադրվում և ակնկալվում էր, որ նա այս պաշտոնը կզբաղեցնի կարճաժամկետ հիմունքներով մինչև 2022 թվականի վերջը», - նշել ն ԱՄՆ արտաքին քաղաքական գերատեսչությունում, հավելելով, որ այս պաշտոնում նրա ժամկետի ավարտը «ոչ մի կերպ չի խաթարում՝ Հարավային Կովկասի տարածաշրջանի անվտանգ, կայուն, ժողովրդավարական, բարգավաճ և խաղաղ ապագան առաջ տանելու Միացյալ Նահանգների հանձնառությունը»։
Պետդեպարտամենտում նշել են, որ «Միացյալ Նահանգները շարունակում են երկկողմ համագործակցությունը գործընկերների հետ, ինչպիսին է Եվրամիությունը, և միջազգային կազմակերպությունների միջոցով, ինչպիսին ԵԱՀԿ-ն է, խթանելու Ադրբեջանի և Հայաստանի միջև ուղիղ երկխոսությունը և լուծումներ գտնելու բոլոր չլուծված հարցերի համար»:
editor@caliber.az
+994 55 444-88-98
Азербайджан, Баку, ул. Низами, 203, Af Business House, 5-й этаж