Ջեյհուն Բայրամովը Բրյուսելում հանդիպել է Հաքան Ֆիդանի հետ

Բրյուսելում ատոմային էներգիայի գագաթնաժողովի շրջանակներում՝ Ադրբեջանի արտգործնախարար Ջեյհուն Բայրամովը հանդիպել է իր թուրք գործընկեր Հաքան Ֆիդանի հետ։

Այս մասին հայտնում է Caliber.Az-ը՝ Ադրբեջանի արտաքին գործերի նախարարությանը հղումով։

Հանդիպման ընթացքում գոհունակություն է հայտնվել՝ Ադրբեջանի և Թուրքիայի միջև եղբայրական և ռազմավարական դաշնակցային կապերի զարգացման կապակցությամբ։

Կողմերն ընդգծել են, որ երկկողմ և բազմակողմ ձևաչափերի միջև շարունակվող հաջող համագործակցությունը կարևոր ներդրում է ունեցել՝ տարածաշրջանային զարգացման, մասնավորապես առևտրի, էներգետիկայի, անվտանգության, տրանսպորտի, գիտության և կրթության և այլ ոլորտներում համագործակցության խորացման գործում։ Նշվել է տարածաշրջանում տրանսպորտային միջանցքների զարգացման կարևորությունը։

Բայրամովը Ֆիդանին տեղեկացրել է նաև Բաքվի և Երևանի միջև հարաբերությունների կարգավորման գործընթացի մասին։