Ջեյհուն Բայրամովը կմասնակցի ՄԱԿ-ի Գլխավոր ասամբլեայի բարձր մակարդակի շաբաթին

Ադրբեջանի արտգործնախարար Ջեյհուն Բայրամովը երկիրը կներկայացնի ՄԱԿ-ի Գլխավոր ասամբլեայի 78-րդ նստաշրջանի բարձր մակարդակի շաբաթում։

Այս մասին Caliber.Az-ին հայտնել է Գլխավոր ասամբլեայի ղեկավարի մամուլի քարտուղար Պաուլինա Կուբյակը։

Նրա խոսքով, ՄԱԿ-ի Գլխավոր ասամբլեայի 78-րդ նստաշրջանն իր աշխատանքը կսկսի սեպտեմբերի 19-ին Նյու Յորքում գտնվող ՄԱԿ-ի կենտրոնակայանում:

Նույն օրը ՄԱԿ-ի Գլխավոր ասամբլեայի ներկայիս ղեկավար, հունգարացի դիվանագետ Չաբա Կյորեշին կամփոփի 77-րդ նստաշրջանի արդյունքները։ ՄԱԿ-ի Գլխավոր ասամբլեայի նոր նստաշրջանը կնախագահի Տրինիդադ և Տոբագոյի նախկին վարչապետ, ՄԱԿ-ում այդ երկրի մշտական ներկայացուցիչ Դենիս Ֆրենսիսը։