Ռուսաստանը պատրաստվում է Ադրբեջանի հետ կենսաանվտանգության մասին հուշագիր ստորագրել

Ռուսաստանը մտադիր է կենսաբանական անվտանգության պայմանագրեր կնքել Ադրբեջանի հետ, ասել է Դաշնային խորհրդի փոխնախագահ, Ուկրաինայում ԱՄՆ կենսալաբորատորիաների գործունեությունը հետաքննող խորհրդարանական հանձնաժողովի համանախագահ Կոնստանտին Կոսաչովը, գրում է «Ինտերֆակս Ազերբայջան»-ը։

«Ռուսաստանը կենսաբանական անվտանգության ոլորտում համագործակցության չորս հուշագիր ունի Հայաստանի, Ուզբեկստանի, Տաջիկստանի և Թուրքմենստանի հետ։ Մեր չորս հարևանների՝ Բելառուսի, Ղազախստանի, Ղրղզստանի և Ադրբեջանի հետ նման փաստաթղթերի մշակումն ընթացքի մեջ է և գտնվում է պատրաստվածության շատ բարձր փուլում»,- ուրբաթ օրը լրագրողներին ասել է Կոսաչովը։