Սահիբա Գաֆարովան քննադատել է Բելգիայի խորհրդարանի՝ Ադրբեջանի վերաբերյալ բանաձևերը

Միլլի Մեջլիսի նախագահ Սահիբա Գաֆարովան սուր քննադատության է ենթարկել Բելգիայի խորհրդարանում Ադրբեջանի դեմ վերջին երեք տարիների ընթացքում ընդունված հինգ միակողմանի և կողմնակալ բանաձևերը։

Ինչպես հայտնում է Caliber.Az-ը, այս մասին Սահիբա Գաֆարովան հայտարարել է Բելգիայի արտգործնախարար Հաջա Լաբիբի հետ հանդիպմանը, ով ժամանել է Ադրբեջան:

Նա ընդգծել է, որ այս բանաձևերը սխալ են արտացոլում մեր տարածաշրջանում տիրող իրավիճակը, բելգիացի պատգամավորների այցը միայն Հայաստան խախտում է տարածաշրջանի երկրների նկատմամբ հավասարակշռությունը։ Խորհրդարանի խոսնակը հիշեցրել է, որ Ադրբեջանը հրավերներ է ուղարկել Բելգիայի խորհրդարանի ղեկավարությանը, բարեկամության խմբի ղեկավարին և այլ խորհրդարանականների՝ նշելով, որ նման այցերը թույլ կտան ավելի ճշգրիտ և հավաստի տեղեկատվություն ստանալ Ադրբեջանում, տարածաշրջանում, հատկապես Ղարաբաղում տիրող իրավիճակի մասին։