Վատիկանը հրավիրվել է Ադրբեջանում կայանալիք Կրոնական առաջնորդների երրորդ համաշխարհային գագաթնաժողովին

«Այժմ մենք պատրաստվում ենք Կրոնական առաջնորդների III համաշխարհային գագաթնաժողովին: Համոզված եմ, որ Վատիկանը, որը աշխարհի կարևոր կրոնական կենտրոն է, այս ֆորումում նույնպես ներկայացված կլինի ամենաբարձր մակարդակով»։

Ինչպես հաղորդում է Caliber.Az-ը, այս մասին հայտարարել է Կովկասի Մահմեդականների Վարչության (ԿՄԿ) նախագահ շեյխ-ուլ-իսլամ Ալլահշուքյուր Փաշազադեն Սուրբ Աթոռի պետքարտուղար, կարդինալ Պիետրո Պարոլինի հետ հանդիպմանը։

«Վստահ եմ, որ Վատիկանը, որը աշխարհի կարևոր կրոնական կենտրոն է, այս համաժողովում ներկայացված կլինի ամենաբարձր մակարդակով։

Վերապատվելի Կարդինալ, որպես հոգևոր-քաղաքական գործիչ՝ Դուք մեծ ազդեցություն ունեք Սուրբ Աթոռում, և մենք մաղթում ենք Ձեզ մեծ հաջողություններ Ձեր հետագա գործունեության մեջ։ Խնդրում ենք Ձերդ Սրբությունից այստեղ ներկա գտնվող հավատացյալների, կրոնական գործիչների, հոգևորականության ներկայացուցիչների, Ադրբեջանի կրոնական առաջնորդները անկեղծ ողջույններն ու օրհնությունը փոխանցել Հռոմի Սրբազան Քահանայապետ Ֆրանցիսկոս Պապին»,- ասել է ԿՄՎ նախագահը: