Վրաստանի կառավարություն. Ադրբեջանի հետ խորհրդակցություններ են ընթանում տարածաշրջանային խաղաղության նախաձեռնության շուրջ

Վրաստանը խորհրդակցում է Ադրբեջանի և Հայաստանի հետ՝ կապված իր «խաղաղ հարևանության» նախաձեռնության հետ՝ տարածաշրջանում խաղաղություն և կայունություն ապահովելու համար։

Ինչպես հայտնում է Caliber.Az-ը, այս մասին ասված է Վրաստանի վարչապետ Իրակլի Ղարիբաշվիլիի խորհրդարանին ուղղված տարեկան զեկույցում։

Նախաձեռնության շրջանակներում խորհրդակցություններ են անցկացվում համագործակցության կոնկրետ ուղղություններով։

Փաստաթղթում նաև ընդգծվում է, որ Վրաստանը միանշանակ արտահայտել է իր դիրքորոշումը «3+3» տարածաշրջանային հարթակի վերաբերյալ. «Այն պայմաններում, երբ Ռուսաստանը օկուպացման տակ է պահում վրացական տարածքների 20%-ը, անտեսում է 2008 թվականին ստորագրված հրադադարի համաձայնագրով ստանձնած իր պարտավորությունները և օկուպացված տարածքներում կոպտորեն խախտում մարդու իրավունքները, Ռուսաստանի հետ համագործակցությունն այս ձևաչափով անընդունելի է»։