Փոխվարչապետ. Ադրբեջան ներկրվող թմրամիջոցների ավելի քան 95%-ը բերվել է Իրանից

Այս տարվա տասը ամիսների ընթացքում օտարերկրյա ծագման թմրամիջոցների մոտ 95%-ը մաքսանենգ ճանապարհով կամ այլ ապօրինի եղանակներով Ադրբեջան է ներկրվել Իրանի Իսլամական Հանրապետության տարածքից։

Ինչպես հայտնում է Caliber.Az-ը, այս մասին Նախարարների կաբինետում կայացած նիստում հայտարարել է Ադրբեջանի փոխվարչապետ, թմրամոլության և թմրամիջոցների ապօրինի շրջանառության դեմ պայքարի պետական հանձնաժողովի նախագահ Ալի Ահմեդովը։

Նրա խոսքով, դա առաջին հերթին պայմանավորված է նրանով, որ հանրապետությունն ունի բարենպաստ աշխարհագրական դիրք Արևելքից Արևմուտք տարանցման առումով։