Քննարկվել են Ադրբեջանի և Լյուքսեմբուրգի միջև երկկողմ հարաբերությունների հեռանկարները

Բելգիայում և Լյուքսեմբուրգում Ադրբեջանի դեսպան Վագիֆ Սադիգովը հանդիպել է խորհրդարանի նոր նախագահ Քլոդ Վայսլերի հետ, ով այս պաշտոնը ստանձնել է այս տարվա հոկտեմբերին Լյուքսեմբուրգում կայացած խորհրդարանական ընտրությունների արդյունքներով։

AZERTAC-ի փոխանցմամբ՝ դեսպանը, շնորհավորելով Քլոդ Վայսլերին ընտրվելու կապակցությամբ, խոսել է Ադրբեջանի և Լյուքսեմբուրգի միջև հարաբերությունների, ինչպես նաև Եվրամիության և Ադրբեջանի միջև համագործակցության մասին։

Քլոդ Վայսլերը նշել է, որ գոհունակությամբ է հիշում տրանսպորտի նախարարի պաշտոնում Ադրբեջան կատարած իր այցը։

Լյուքսեմբուրգի խորհրդարանի խոսնակը և Ադրբեջանի դեսպանը մտքեր են փոխանակել երկկողմ համագործակցության հետագա զարգացման հեռանկարների շուրջ, ինչպես նաև քննարկել երկու երկրների միջև քաղաքական, տնտեսական և միջխորհրդարանական հարաբերությունների ընդլայնման հնարավորությունները։