Քննարկվել են Ադրբեջանի և ՇՀԿ-ի միջև համագործակցության ընդլայնման հարցեր ԼՈՒՍԱՆԿԱՐ

Այցով Չինաստանում գտնվող Ադրբեջանի նախագահի օգնական Անար Ալեքպերովի գլխավորած պատվիրակությունը՝ Պեկինում հանդիպել է Շանհայի համագործակցության կազմակերպության (ՇՀԿ) գլխավոր քարտուղար Չժան Մինի հետ։

Ինչպես հաղորդում է Сaliber.Az-ը՝ վկայակոչելով AZERTAC-ին, գլխավոր քարտուղար Չժան Մինը, ընդգծելով Ադրբեջանի՝ որպես Շանհայի համագործակցության կազմակերպության երկխոսության գործընկերոջ ակտիվ դերը, բարձր է գնահատել մեր երկրի ակտիվ մասնակցությունը կազմակերպության շրջանակներում անցկացվող միջոցառումներին։

Կարևորելով Ադրբեջանի նախագահ Իլհամ Ալիևի անցյալ սեպտեմբերին Սամարղանդում կայացած ՇՀԿ գագաթնաժողովին մասնակցությունը՝ Չժան Մինգը խոսել է կազմակերպության և Ադրբեջանի միջև արդյունավետ համագործակցության մասին։ Գլխավոր քարտուղարը նշել է, որ Հեյդար Ալիևի Հիմնադրամի ակտիվ մասնակցությունը ՇՀԿ-ի միջոցառումներին՝ ամրապնդում է կողմերի համագործակցությունը և ընդգծել, որ Ադրբեջանի մշակութային և հումանիտար ներուժը ցուցադրվել է՝ ՇՀԿ քարտուղարությունում նախաձեռնությամբ այս երկրում անցկացված մի շարք կարևոր միջոցառումների շնորհիվ։

Ադրբեջանի նախագահի օգնական, Հեյդար Ալիևի Հիմնադրամի գործադիր տնօրեն Անար Ալեքպերովն ընդգծել է, որ Ադրբեջանը մեծ նշանակություն է տալիս՝ Շանհայի համագործակցության կազմակերպության հետ հարաբերություններին և խոսել տարբեր ոլորտներում համագործակցության զարգացման հեռանկարների մասին։ Ա.Ալաքբարովն ասել է, որ Ադրբեջանի կողմից ՇՀԿ-ի երկխոսության գործընկերոջ կարգավիճակ ստանալուց հետո, Հեյդար Ալիևի Հիմնադրամը կազմակերպության քարտուղարության հետ սերտ համագործակցությամբ մի շարք միջոցառումներ է անցկացրել։