Օմբուդսմենն արձագանքել է Ադրբեջանին «հատուկ դիտարկման ցուցակում» ընդգրկելուն ԱՄՆ Պետական դեպարտամենտ

Ադրբեջանի Հանրապետության մարդու իրավունքների հանձնակատար (օմբուդսմեն) Սաբինա Ալիևան հայտարարություն է տարածել՝ կապված 2023 թվականին ԱՄՆ կրոնական ազատության միջազգային հանձնաժողովի կողմից Ադրբեջանի վերաբերյալ հրապարակված հատուկ զեկույցի և Ադրբեջանի՝ ԱՄՆ Պետդեպարտամենտի ինչ որ «դիտարկման ցուցակում» ներառելու հետ, հայտնում է Caliber.Az-ը։

Ս.Ալիևան նշել է, որ պատմականորեն Ադրբեջանում տարբեր կրոնների պատկանող մարդիկ ապրել են խաղաղ ու բարեկամական պայմաններում։

«Պատահական չէ, որ Ադրբեջանն ընդգրկված է կրոնական տեսակետից աշխարհի ամենահանդուրժող պետությունների ցանկում, որտեղ ձևավորվել է բազմամշակութայնության և միջկրոնական երկխոսության օրինակելի մոդել, և չկան հակասեմականության նման դեպքեր. կամ կրոնական խտրականություն: Մեր երկրում, մզկիթների հետ մեկտեղ, հավատացյալների համար որպես աղոթատեղի գործում են կաթոլիկ և ուղղափառ եկեղեցիները, այդ թվում՝ հայկական եկեղեցին, հրեական սինագոգները։

Ադրբեջանի օմբուդսմենը մշտապես ուշադրություն է դարձնում բոլորի համար հավասար հնարավորությունների ապահովմանը` անկախ կրոնից, լեզվից, ռասայից և այլ հատկանիշներից։ Միևնույն ժամանակ, մենք մեր գործունեությունը կառուցում ենք «Ոչ ոք չպետք է հետ մնա» սկզբունքի հիման վրա, որն արտացոլված է ՄԱԿ-ի Կայուն զարգացման նպատակներում (ԿԶՆ), բոլորի ջանքերը միավորելու հայեցակարգում, հանուն՝ երկրում առկա կայունության, բազմամշակութային և հանդուրժող միջավայրի և տեղի ժողովուրդների միջև բարեկամական և եղբայրական հարաբերությունների հետագա ամրապնդման:

Որպես Ադրբեջանի օմբուդսմեն՝ ուզում եմ ևս մեկ անգամ ընդգծել, որ Միջազգային կրոնական ազատությունների հանձնաժողովի կողմից նման անհիմն և կողմնակալ զեկույցների և հայտարարությունների հրապարակումն անընդունելի է»,- ասված է հայտարարության մեջ։