Ֆրանսիայի ԱԳՆ. Ձեռնարկվել են բոլոր միջոցները Ադրբեջանի դեսպանատան անվտանգությունը վերականգնելու համար

Ֆրանսիայի արտաքին գործերի նախարարությունը ափսոսանք է հայտնում՝ հայ համայնքի արմատական ներկայացուցիչների կողմից Ադրբեջանի դեսպանատան վրա հարձակման կապակցությամբ։

Caliber.Az-ի փոխանցմամբ՝ այս մասին Twitter-ում գրել է Ադրբեջանում Ֆրանսիայի դեսպան Զաքարի Գրոսը։

«Ֆրանսիայի ԱԳՆ-ն հայտնել է, որ ափսոսւմ է Փարիզում Ադրբեջանի դեսպանատան դեմ ուղղված անընդունելի միջադեպերի համար։ Ֆրանսիայի իշխանությունները ձեռնարկել են բոլոր միջոցները՝ դեսպանատան անվտանգությունը վերականգնելու և դրա բնականոն գործունեությունը ապահովելու համար։ Նրանք զգոն են, որպեսզի նման միջադեպեր չկրկնվեն»,- գրել է դեսպանը։

Սեպտեմբերի 19-ին Ադրբեջանում Ֆրանսիայի դեսպան Զաքարի Գրոսը հրավիրվել է Արտաքին գործերի նախարարություն, որտեղ նրան բողոքի նոտա է հանձնվել ԱԳՆ-ից՝ կապված Ֆրանսիայում Ադրբեջանի դեսպանատան վրա հարձակման հետ։ Ադրբեջանի փոխարտգործնախարար Խալաֆ Խալաֆովը հակառակ կողմին տեղեկացրել է, որ Ֆրանսիայում հայկական սփյուռքի մի խումբ ծայրահեղական ուժերի հարձակումը Փարիզում Ադրբեջանի դեսպանատան վրա՝ ֆրանսիական օրենքների և միջազգային իրավունքի ընդհանուր ընդունված նորմերի կոպիտ խախտում է։

French MFA :
"We deplore the unacceptable incidents that targeted the Embassy of 🇦🇿 in Paris. The 🇨🇵 authorities have taken all measures to re-establish the security of the Embassy and enable it to function normally. They remain vigilant so that such incidents do not occur again"

— Zacharie Gross (@GrossZacharie) September 20, 2022