Ադրբեջանի Միլլի Մեջլիս. Այս ստոր հարձակման համար պատասխանատվությունն ընկնում է իրանական կողմի վրա

Ադրբեջանի Միլլի Մեջլիսը վերաբերմունք է հայտնել՝ Իրանի Իսլամական Հանրապետությունում Ադրբեջանի Հանրապետության դեսպանատան դեմ ահաբեկչական ակտի հետ կապված։

Ինչպես Caliber.Az-ին հայտնել են Միլլի Մեջլիսում, Ադրբեջանի խորհրդարանը խստորեն դատապարտել է՝ 2023 թվականի հունվարի 27-ին Իրանում Ադրբեջանի դեսպանատան դեմ իրականացված ահաբեկական ակտը։

Միլլի Մեջլիսի հայտարարության մեջ նշվում է, որ այս ստոր հարձակման համար պատասխանատվությունն ընկնում է իրանական կողմի վրա:

«Ցավով պետք է նշել, որ վերջին շրջանում Իրանի Իսլամական Հանրապետությունում լայնորեն նպաստել են՝ մեր երկրի հասցեին զրպարտության և սպառնալիքների արշավներին։ Այս առումով Ադրբեջանի դիվանագիտական ներկայացուցչությունների վրա հնարավոր հարձակումները կանխելու համար կանխարգելիչ միջոցների ընդունումը պետք է հայտնվեր Իրանի իրավապահ մարմինների ուշադրության կենտրոնում։ Նման պայմաններում զինված անձի անարգել ներթափանցման հնարավորությունը դեսպանատան վարչական շենք, որտեղ գործում է անվտանգության հատուկ ռեժիմ, լուրջ հարցեր է առաջացնում։

Այս դաժան հարձակման պատճառների մասին Իրանի հայտարարությունները մենք անբավարար ենք համարում։ Մենք պահանջում ենք այս ահաբեկչական ակտի մանրակրկիտ և խորը հետաքննություն, բացահայտել և խստագույնս պատժել բոլոր պատասխանատուներին և արյունալի հանցագործության հետևում կանգնածներին, ինչպես նաև բացահայտել այն հանգամանքները, որոնք հանգեցրել են դիվանագիտական առաքելության վրա անընդունելի ահաբեկչական ակտին»,- ընդգծվում է հայտարարության մեջ։