Ինչո՞ւ են վատթարացել ադրբեջանա-իրանական հարաբերությունները
5 փաստ Սամուել Դովերի Վեստերբայից

Քաղաքականություն  30 Հունվարի 2023 - 10:55

Եվրոպական հարեւանության խորհրդի (ENC) գործադիր տնօրեն Սամուել Դովերի Վեստերբայը թվիթերյան իր էջում թվարկել է 5 պարզ փաստ, թե ինչու են ադրբեջանա-իրանական հարաբերությունները բնութագրվում այդքան բարձր լարվածությամբ, փոխանցում է Caliber.Az-ը։

«Փաստ առաջին. Իրանն ու Ադրբեջանը ունեն շատ տարբեր հասարակություններ: Իրանական ռեժիմը հանդիսանում է պահպանողական և հիմնվում է շիիզմի վրա, այն դեպքում, երբ Ադրբեջանը հանդիսանում է աշխարհիկ պետություն:

Փաստ երկրորդ. Ժամանակին Իրանը (և Ռուսաստանը) անկախությունից զրկել են ադրբեջանցիներին և Հարավային Կովկասի այլ ժողովուրդներին, իսկ այսօր Իրանի սահմաններում ապրում են բազմաթիվ ադրբեջանցիներ, որոնցից շատերը ունեն լեզվական և մշակութային ամուր կապեր Ադրբեջանի հետ և չեն ընդունում Թեհրանի կառավարման արմատական ոճը։

Փաստ երրորդ. Ադրբեջանը հանդիսանում է Միջին միջանցքի կենտրոնական օղակ, որը շրջանցում է Իրանի տարածքը և Արևելքն ու Արևմուտքը միացնում է առանց Թեհրանի մասնակցության։ Իրանը ավանդաբար փորձում է սաբոտաժի ենթարկել՝ Թուրքիայի ու Ադրբեջանի և այլ թուրքական երկրների միջև Թուրանի միություն ստեղծելու բոլոր փորձերը:

Փաստ չորրորդ. Ավանդաբար Իրանն աջակցում է Հայաստանին` այն մտավախության պատճառով, որ նա չի կարողանա՝ Ռուսաստանի ուղղությամբ դեպի Հյուսիս-Հարավ միջանցք մուտք ստանալ: Հոկտեմբերին սահմանին իրանական զորավարժությունները հանգեցրին նոյեմբերին ադրբեջանա-թուրքական պատասխան զորավարժություններին:

Փաստ հինգերորդ. 2016 թվականից Իսրայելը դարձել է Ադրբեջան զենքի և տեխնոլոգիաների առաջատար արտահանող, ինչպես նաև դիվանագիտական և պաշտպանական մակարդակով օգնում է ագրեսիվ հարևանների կողմից սեղմված Ադրբեջանին»,- գրել է եվրոպացի քաղաքագետը։

Caliber.Az

Դիտումներ: 27