Փոխնախարար. Զանգեզուրի միջանցքը կարևոր է մատակարարումների շղթայի անվտանգության համար

Քաղաքականություն  02 Հունիսի 2023 - 15:41

Զանգեզուրի միջանցքը էական նշանակություն ունի՝ Հարավային Կովկասում խաղաղություն հաստատելու և միևնույն ժամանակ մատակարարումների շղթայի անվտանգության համար։

Այս մասին Բաքվում ընթացող Տրանսպորտի և լոգիստիկայի 1-ին միջազգային ֆորումում ասել է՝ թվային զարգացման փոխնախարար Սամիր Մամեդովը, հայտնում է Caliber.Az-ը։

Նրա խոսքով, Զանգեզուրի միջանցքով՝ Արևելյան Զանգեզուրի տնտեսական շրջանի և Նախչըվանի Ինքնավար Հանրապետության միջև հաղորդակցությունների տարածաշրջանային նախագծերի իրականացումը, օկուպացիայից ազատագրված տարածքների ներուժի լիարժեք օգտագործումը մեծ հնարավորություններ են ստեղծում Ադրբեջանի համար՝ խթանելու խաղաղության և համագործակցության դարաշրջանը Հարավային Կովկասում:

Փոխնախարարը նշել է, որ կարևոր աշխատանքներ են տարվում ավերված տրանսպորտային ենթակառուցվածքների վերականգնման, օկուպացիայից ազատագրված տարածքներում նոր ճանապարհների և երկաթգծերի կառուցման ուղղությամբ. «Այդ տարածքների համար մշակվել է տարածաշրջանային տրանսպորտային գլխավոր հատակագիծ և կարևոր աշխատանքներ են տարվել ծրագրի իրականացման ուղղությամբ։ Գլխավոր հատակագծին համապատասխան՝ իրագործվող ծրագրերից մեծ նշանակություն ունի Հորադիզ-Աղբենդ երկաթգիծը։ Այս նախագիծը նախատեսվում է ավարտել մինչև 2024 թվականի վերջը»։

Caliber.Az

Դիտումներ: 24