Ջեյհուն Բայրամովն ընդունել է Ադրբեջանում Ռուսաստանի դեսպանին

Արտգործնախարար Ջեյհուն Բայրամովն այսօր ընդունել է Ադրբեջանում ՌԴ արտակարգ և լիազոր դեսպան Միխայիլ Բոչարնիկովին՝ Ադրբեջանում նրա դիվանագիտական գործունեության ավարտի կապակցությամբ։
 
ԱԳՆ-ից Caliber.Az-ին հայտնել են, որ հանդիպմանը կողմերը գոհունակությամբ նշել են՝ Ադրբեջանի և Ռուսաստանի Դաշնության միջև արդյունավետ համագործակցությունը և դրա զարգացման հեռանկարները։ Ընդգծվել է, որ երկկողմ հարաբերությունները դինամիկ զարգանում են՝ հասնելով դաշնակցային փոխգործակցության մակարդակի։
 
Ջեյհուն Բայրամովը շնորհակալություն է հայտնել Միխայիլ Բոչարնիկովին՝ ադրբեջանա-ռուսական հարաբերությունների զարգացման գործում ունեցած ավանդի համար և հաջողություններ մաղթել հետագա աշխատանքում։
 
Իր հերթին Միխայիլ Բոչարնիկովը շնորհակալություն է հայտնել՝ Ադրբեջանում իր աշխատանքի ընթացքում բարեկամության և համագործակցության համար։
 
Հանդիպմանը  քննարկվել են նաև փոխադարձ հետաքրքրություն ներկայացնող այլ հարցեր։