Ադրբեջանն այս տարի ավելի քան 15 մլն տոննա նավթ է արտահանել 19 երկիր

Այս տարվա հունվար-հուլիսին Ադրբեջանը Իտալիա է արտահանել 3 774 540 հազար ԱՄՆ դոլարի 6 045 069,15 տոննա նավթ: Այսպիսով, Իտալիան հաշվետու ժամանակահատվածում հանդիսանում է ադրբեջանական նավթի խոշորագույն ներկրողը:

Ինչպես գրում է Caliber.Az-ը՝ հղում անելով Պետական մաքսային կոմիտեի զեկույցին, ադրբեջանական նավթի երկրորդ խոշորագույն ներկրողը Իսրայելն է: Այսպես, հաշվետու ժամանակահատվածում Ադրբեջանն այս երկիր է արտահանել 822 483,44 հազար դոլարի 1 354 226,01 տոննա նավթ:

Ադրբեջանական նավթի ներկրման ծավալով երրորդ տեղը զբաղեցնում է Հնդկաստանը: Հունվար-հուլիսին այս երկիր է արտահանվել 666 499,46 հազար դոլարի 1 122 457,35 տոննա նավթ։