Ադրբեջանի քաղաքացիներն առանց վիզայի կարող են այցելել աշխարհի 72 երկիր

Ադրբեջանը 72-րդ տեղն է զբաղեցրել՝ Henley & Partners Visa Restrictions Index անձնագրային նորացված վարկանիշում։ Հանրապետության քաղաքացիներն առանց վիզայի կարող են այցելել աշխարհի 72 երկիր։

Այս մասին, ինչպես հաղորդում է Caliber.Az-ը, ասված է կազմակերպության զեկույցում։

Աշխարհի «ամենաուժեղ» անձնագրի սեփականատեր են ճանաչվել վեց երկրներ, որոնք թույլ են տալիս առանց վիզայի կամ ժամանելուն պես այցելել այլ երկրներ՝ Ֆրանսիա, Գերմանիա, Իտալիա, Ճապոնիա, Սինգապուր և Իսպանիա, քանի որ այդ երկրների անձնագրերը թույլ են տալիս ազատ ճանապարհորդել աշխարհի 194 երկրներ:

Երկրորդ տեղում են՝ Հարավային Կորեան, Ֆինլանդիան, Շվեդիան և Նիդեռլանդները, որոնց անձնագրով առանց վիզայի կարելի է ճանապարհորդել 193 երկիր։

Երրորդ տեղում Ավստրիան, Դանիան, Մեծ Բրիտանիան և Իռլանդիան են՝ առանց վիզայի մուտքի 192 երկիր։

Վերջին տեղը զբաղեցնում է Աֆղանստանը, որի անձնագրով մուտք է տրվում ընդամենը 28 երկիր։