Ադրբեջանը կոչ է արել ՄԱԿ-ին՝ Հայաստանից պահանջել կատարել իր պարտավորությունները

ՄԱԿ-ում Ադրբեջանի մշտական ​​ներկայացուցիչ Թոֆիգ Մուսաևը նամակ է հղել՝ համաշխարհային կազմակերպության գլխավոր քարտուղար Անտոնիո Գուտերիշին։
 
Ինչպես հաղորդում է Caliber.Az-ը՝ դիվանագիտական ​​առաքելության մամուլի ծառայությանը հղումով, նամակը հրապարակվել է՝ որպես ՄԱԿ-ի Գլխավոր ասամբլեայի և Անվտանգության խորհրդի պաշտոնական փաստաթուղթ։
 
Այն ընդգծում է, որ կայուն խաղաղությունն ու կայունությունը տարածաշրջանում պահանջում են Հայաստանից՝ կատարել իր միջազգային պարտավորությունները։
 
«Տարածաշրջանում կայուն խաղաղությունն ու կայունությունը Հայաստանից պահանջում են խստորեն պահպանել իր միջազգային պարտավորություննեը, ամբողջությամբ և անվերապահորեն հրաժարվել տարածքային պահանջներից, վերացնել ագրեսիայի և օկուպացիայի հետևանքով Ադրբեջանին հասցված վնասը, զերծ մնալ ապատեղեկատվությունից և կեղծ տեղեկատվությունից, ինչպես նաև միջպետական ​​հարաբերությունների կարգավորման հեռանկարը խոչընդոտող ցանկացած այլ գործողություններից»,- նշված է նամակում։