Բայրամով — Լեմմի. Խաղաղության պայմանագրի ստորագրման համար անհրաժեշտ են Հայաստանի Սահմանադրության փոփոխություններ

Մարտի 19-ին հեռախոսազրույց է տեղի ունեցել Ադրբեջանի արտգործնախարար Ջեյհուն Բայրամովի և Մեծ Բրիտանիայի արտաքին գործերի պետքարտուղար Դեյվիդ Լեմմիի միջև։

Ինչպես Caliber.Az-ին հայտնել են ԱԳՆ-ից, հեռախոսազրույցի ընթացքում քննարկվել են Ադրբեջանի և Մեծ Բրիտանիայի միջև համագործակցության հարցեր, տարածաշրջանային ներկա իրավիճակը, ինչպես նաև Ադրբեջանի և Հայաստանի միջև խաղաղ գործընթացի վիճակը։

Դեյվիդ Լեմմին փոխանցել է իր շնորհավորանքները Նովրուզի տոնի կապակցությամբ և վստահություն հայտնել, որ ադրբեջանա-բրիտանական հարաբերությունները հաջողությամբ կզարգանան։ Ջեյհուն Բայրամովը զրուցակցին պատմել է տարածաշրջանում առկա իրավիճակի և խաղաղ գործընթացի մասին։

Նա ընդգծել է, որ չնայած խաղաղության պայմանագրի տեքստի շուրջ բանակցությունների ավարտին, դրա ստորագրումը պահանջում է փոփոխություններ Հայաստանի սահմանադրության մեջ, որտեղ դեռևս պահպանվում են տարածքային պահանջներ Ադրբեջանի նկատմամբ։

Ջեյհուն Բայրամովը նշել է նաև ԵԱՀԿ Մինսկի խմբի և այլ համապատասխան կառույցների լուծարման կարևորությունը։ Այնուհետև կողմերը մտքեր են փոխանակել փոխադարձ հետաքրքրություն ներկայացնող այլ հարցերի շուրջ։