«Եվրախորհրդարանը որոշել է ցույց տալ իր հակաադրբեջանական տրամադրությունների բոլոր երանգները» Միլլի Մեջլիսի հայտարարությունը

Եվրախորհրդարանը, դիրքավորվելով որպես եվրոպական պառլամենտարիզմի դեմք, մի կողմ թողնելով Հին աշխարհի խնդիրները, կրկին հարձակումներ  է սկսել Ադրբեջանի վրա։
 
Ինչպես հայտնում է Caliber.Az-ը, այս մասին ասված է Միլլի Մեջլիսի հայտարարությունում՝ կապված հոկտեմբերի 24-ին Եվրախորհրդարանի կողմից ընդունված «Իրավիճակն Ադրբեջանում, մարդու իրավունքների և միջազգային իրավունքի խախտումներ և Հայաստանի հետ հարաբերություններ» վերտառությամբ բանաձևի վերաբերյալ։
 
«Եվրախորհրդարանը որոշել է ցույց տալ իր հակաադրբեջանական տրամադրությունների բոլոր երանգները։ Բանաձևում հնչում են անհեթեթ պնդումներ ու մեղադրանքներ, սպառնալիքներ ու պահանջներ՝ հիմնված Ադրբեջանի հասցեին կեղծ տվյալների վրա։ Մեր երկրի տարածքային ամբողջականությունն ու ինքնիշխանությունը բացահայտորեն չի հարգվում, և փորձ է արվում միջամտել մեր ներքին գործերին։ Միաժամանակ Հայաստանի նկատմամբ դրսևորվում է առանձնահատուկ վերաբերմունք, խրախուսվում է նրա ռազմատենչությունը, ինչը ծառայում է այս երկրում ռևանշիստական ​​միտումների ուժեղացմանը և տարածաշրջանում հակամարտության կրկին վերսկսելուն»,- ասվում է հայտարարության մեջ։