Գայա Մամեդով. Հայաստանը պետք է վերացնի խաղաղությանը խանգարող բոլոր խոչընդոտները

Պետք է վերջ տալ երկակի ստանդարտներին և միջազգային իրավունքի ընտրովի կիրառմանը։ Անընդունելի է չարաշահել մարդու իրավունքների հարցը քաղաքական նպատակներով, ինչպես նաև անտեսել Հայաստանի կողմից էթնիկ զտումների ենթարկված ադրբեջանցիների վերադարձի իրավունքը։

Այս մասին ԵԱՀԿ ԽՎ ձմեռային նստաշրջանում հայտարարել է ԵԱՀԿ Խորհրդարանական վեհաժողովում Միլլի Մեջլիսի պատվիրակության ղեկավար Գայա Մամեդովը, հայտնում է Caliber.Az-ը։

Գայա Մամեդովը հիշեցրել է, որ Հայաստանը Ադրբեջանում ոչնչացրել է մոտ հազար բնակավայր, այնտեղ թողել 3 միլիոն ական և չպայթած զինամթերք՝ պատճառելով 150 միլիարդ դոլարի վնաս: «Դրանով հանդերձ, ագրեսոր երկիրը ստանում է տարբեր ֆինանսական աջակցություն և չարաշահում այդ միջոցները զինվելու համար այն դեպքում, երբ Ադրբեջանին որևէ օգնություն չի ցուցաբերվում»:  

Նա նշել է, որ ԵԱՀԿ Մինսկի խմբի արհեստականվերակենդանացման փորձերը ուղղված են հակամարտության վերսկսմանը և չեն նպաստում խաղաղությանը. «Ադրբեջանի և Հայաստանի միջև հարաբերությունների կարգավորման հարցում ձեռք բերված բոլոր կոնկրետ արդյունքները հնարավոր են դարձել երկկողմ ձևաչափի շնորհիվ։ Ադրբեջանը հավատարիմ է մնում մնացած հարցերի լուծմանը բարի կամքի և երկկողմանի ճանապարհով։ Հայաստանը նույնպես պետք է փոխադարձ քաղաքական կամք դրսևորի և վերացնի խաղաղությանը խանգարող բոլոր խոչընդոտները»։