Հրապարակվել է Իրանը լքել ցանկացող Ադրբեջանի քաղաքացիների թիվը

Իսրայելի և Իրանի միջև բախումների կապակցությամբ շարունակվում է Ադրբեջանի քաղաքացիների և օտարերկրացիների կողմից Իրանի տարածքը լքելու գործընթացը՝ Ադրբեջանի արտաքին գործերի նախարարության, Իրանում Ադրբեջանի դեսպանատան, ինչպես նաև Թաբրիզում Ադրբեջանի գլխավոր հյուպատոսության կողմից ստացված հարցումների հիման վրա։

Ինչպես հաղորդում է Caliber.Az-ը, այս մասին հայտարարել է Ադրբեջանի արտաքին գործերի նախարարության մամուլի քարտուղար Այխան Հաջիզադեն։

Նա նշել է, որ միջոցներ են ձեռնարկվում Ադրբեջանի Հանրապետության, ինչպես նաև Իրանը լքել ցանկացող այլ երկրների քաղաքացիների կողմից ցամաքային սահմանը հատելու համար համապատասխան թույլտվություններ ստանալու համար։

«Այսօրվա տվյալներով՝ Ադրբեջանի ավելի քան 600 քաղաքացի դիմել է սահմանը հատելու համար, և նրանցից 180-ը արդեն մուտք են գործել Ադրբեջանի տարածք։ Մինչ օրս 77 երկրներից ստացված հարցումները քննարկվում են համապատասխան կարգով, և ստեղծվում են պայմաններ այդ երկրների քաղաքացիների կողմից սահմանը հատելու համար։

Ռուսաստանի, Մեծ Բրիտանիայի, Կանադայի, Իտալիայի արտաքին գործերի նախարարները, ինչպես նաև բազմաթիվ այլ երկրներ տարբեր մակարդակներով խորը երախտագիտություն են հայտնել Ադրբեջանին աջակցության համար», - ընդգծել է ԱԳՆ ներկայացուցիչը։