Հունգարացի պատգամավոր. ԵԽԽՎ որոշումը Ադրբեջանի վերաբերյալ սխալ էր

Եվրոպայի խորհրդի խորհրդարանական վեհաժողովը (ԵԽԽՎ) սխալ է թույլ տվել՝ անցյալ տարի հրաժարվելով վավերացնել ադրբեջանական պատվիրակության լիազորությունները։

Ինչպես հաղորդում է Report-ը, այս մասին ԵԽԽՎ ձմեռային նստաշրջանի այսօրվա առաջին նիստում հայտարարել է հունգարացի պատգամավոր Ժոլտ Նեմեթը։

Պատգամավորը նշել է, որ անդամների թվի կրճատումը չի բխում ԵԽԽՎ-ի շահերից:

«Այսօր մենք քննարկում ենք վրացական պատվիրակության մասնակցությունը սահմանափակելու հարցը։ ԵԽԽՎ-ն պետք է վերանայի իր քաղաքականությունը: Ավելի վաղ նման որոշում էր կայացվել Ադրբեջանի պատվիրակության վերաբերյալ, և դա սխալ որոշում էր։ Պետություններ կորցնելու փոխարեն մենք պետք է շարունակենք երկխոսությունը նրանց հետ»,- նշել է նա։