Լորդերի պալատում ստեղծվել է «Ադրբեջանի բարեկամների» խումբ

Մեծ Բրիտանիայի խորհրդարանի Լորդերի պալատում տեղի է ունեցել հանդիսավոր միջոցառում՝ նվիրված «Ադրբեջանի բարեկամներ» խմբի բացմանը։

Ինչպես հաղորդում է Azertac-ը, ընդունելությունը վարել է լորդ Դեյվիդ Էվանսը, ով երկար տարիներ եղել է բրիտանական խորհրդարանում Ադրբեջանի գծով խմբի անդամ և փոխնախագահ։ Միջոցառմանը մասնակցել են Համայնքների և Լորդերի պալատների անդամներ, ինչպես նաև բրիտանական հանրության ներկայացուցիչներ:

Լորդ Էվանսը նշել է երկու երկրներին կապող խորը և հաջող հարաբերությունների առկայությունը և ընդգծել, որ Մեծ Բրիտանիան Ադրբեջանում ամենամեծ ներդրողն է։ Նա հաջողություն է մաղթել «Ադրբեջանի բարեկամներ» խմբին և հայտարարել, որ միշտ աջակցել և աջակցելու է մեր երկրին։

Մեծ Բրիտանիայում Ադրբեջանի դեսպան Էլին Սուլեյմանովը գոհունակություն է հայտնել նոր գումարման խորհրդարանում «Ադրբեջանի բարեկամներ» խմբի վերականգնման կապակցությամբ և նշել, որ երկու երկրների հարաբերությունները օրինակելի բնույթ են կրում։