Մենք ձգտում ենք ամրապնդել ԵՄ-ի և Ադրբեջանի միջև կապերը. Մարիանա Կույունջիչ

Եվրամիությունը հանձնառու է Ադրբեջանի հետ հարաբերությունների հետագա ամրապնդմանը և մարդկանց միջև շփումների ընդլայնմանը։

Caliber.Az-ի փոխանցմամբ՝ այս մասին հայտարարել է Ադրբեջանում ԵՄ դեսպան Մարիանա Կույունջիչը «ԵՄ-ն և երիտասարդությունը. Հանուն կայուն ապագայի» թեմայով միջոցառմանը։

Նրա խոսքով՝ վերջին ամիսներին Եվրամիությունը Ադրբեջանում մի շարք կրթական նախաձեռնություններ է իրականացրել՝ ուղղված համագործակցության ամրապնդմանը և հասարակությունների միջև կամուրջների ստեղծմանը։

«Մենք ձգտում ենք ամրապնդել ԵՄ-ի և Ադրբեջանի միջև կապերը և կամուրջներ կառուցում մարդկանց միջև: Ես կցանկանայի հատուկ շնորհակալություն հայտնել Եվրոպայի երիտասարդ դեսպաններին (YEAs), ովքեր կատարում են նման կամրջի դերը։ Նրանք հսկայական աշխատանք են կատարում Ադրբեջանում», - նշել է դիվանագետը։